Ua faalauiloa aloaia se taumafaiga e faailoa ai luitau o loo feagai pea ma le au fai faiva ile Pasefika ma o lea taumafaiga e taulamua ai Malo aufaatasi ma komiuniti a le Pasefika.
Ua faaigoaina o le International Year of the Artisanal Fisheries and Aacuaculture in the Pacific ma sa faalauiloa aloaia lona amataina I se koneferenisi faia I luga o upega o fesootaiga.
Faailoa e Mele Tauti, le sui o le FAO, Food Agriculture Organisation ile RNZ ole faamoemoe ina ia faailoa se leo o le au faifaiva ma le au faifaatoaga mai le pasefika. O se faiga o le a faamalosia ai komiuniti a le pasefika e fesoasoani I le faamautuina o a latou taumafaiga mo tupulaga I le lumana, ae le gata I lea o le fausia o mafutaga ma sootaga ma paaga e fesoasoani ai I lenei taumafaiga.
O nisi o le au faifaiva sa o latou faasoa aafiaga o suiga ole tau i le fagotaina o ia ae le gata I lea o le tele o lologa ma aafiaga tau le siosiomaga. Ole campaign e faataunuuina mo le tasi le tausaga.
