Search
Photo by The USP

Faalauiloa nisi o ituaiga o fualaau’aina e le Polokalame a le S.C.A.T.A.P.

O le vaega lona lima lenei o le polokalame o loo auaufaatasi ai le Matagaluega o Faatoaga ma le Malo o Saina poo le Samoa-China Agricultural Technical Aid Project (S.C.A.T.A.P.) i fualaau’aina, fualaau taumafamata fualaau faisua lea o loo toto i laufanua i Nuu.

E tolu ituaiga ua faaopoopo nei i le togalaau o fualaau’aina, o le maukeni Samoa numera 3, o le kukama Samoa ma le meleni Samoa numera 2.

O loo faasino tonu lenei poloketi i le Matagaluega o Faatoaga e pei ona saunoa iai le Minisita Laaulialemalietoa Polataivao Schmidt.

“A toe tomanatu i le amatalia o lenei polokalame o fualaau’aina, fualaau faisua i le laitiiti o le galuega sa outou maau ma milomilosia ai faifaatoaga uma lava i totonu o le atunuu.

“O nei mea uma o le tuufaatasiga lena o le faaauauina o le tatou tautinoga.

“O le faamoemoe lava ia tatou savavali pe fia vaega o le poloketi lenei o lea e loma faatalanoaga i le taimi lenei o le isi laaasaga o le poloketi lenei lea na iai le malaga i le vaiaso na tea nei ma ave ai lagona o mea ia e tatau ona agai mai le malo o Saina mo le fesoasoani mo tatou.

“E lē faatali le manuia mo tatou ia sa’o le information e ave i Saina ma ia sa’o le polokalame e ave o mea tonu lea tatou te manaomia.

“Mo lo outou paia ma lo outou mamalu o loo galueina le eleele o mea ia manaomia i le taimi nei ina ia manino le Pule Sili o a’u nei ma le aufaigaluega auā e lē aogā foi ona aumai mea ae aumai e lē faaaogāina, e lē lelei ma lē taunuu i se taunuuga manuia.

“Ua tatou masani i soo se ituaiga fualaau’aina fualaau faisua ae aoga aoaoga technical ma faaSaienisi tatou iloa ai le fuataga o fualaau eseese.”

Na faamalosi ai i faifaatoaga fualaau aina ua vaai nei vaaitau i le vevela o le la oloo ua maea talosaga foi ni masini e suaina le malū o le palapala auā ua telē le faaletonu o le tulaga o le aumalolosi e nafa ma nei galuega ona ua maua avanoa mo galuega i fafo.

“O ai e faia galuega nei, le 10 afe o le manpower a Samoa la ua o i galuega i fafo o le ala lena lea e naunau ai ia maua ni masini e fesoasoani ia i tatou.

“O lea e loma foi tatou taligamalo i le tausaga fou ae faafefea na omai tagata e 4,000 e manaomia fualaau faisua ma isi ae lē o tapena tatou.”

“E manaomia lo tatou galulue faatasi o le matagaluega ma le aufaifaatoaga tatou te iloa ai mea e fai aisea e mafai ai e isi atunuu ae a tatou.” 

“Tatou faifaatoaga ia loto tetele o loo faaauau pea tulaga o le galuega o isi fesoasoani o loo alu atu i le poloketi o le miliona o le matapoto lava e lē faapea e faasoa mea a isi ae nofonofo oe e lē aoaia e Laupua tama Faiga outou le au farmer se o ifo uma iai e tufitaufao le mea.”

Ua loa tausaga o faaauauina pea lenei poloketi lea o loo agalelei mai ai le Malo o Saina i lona faatupeina ma le tuuina mai o ona tagata o loo iai le tomai i le faatinoina e fesoasoani i faifaatoaga i metotia auā le atina’eina o faatoaga.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required