Ua faalauiloa sailiiliga e suesue ai le faaaogaina o gagana Pasefika i totonu o Niu Sila, aemaise le agai i le lumanai
O le Leo Moana o Aotearoa Pacific Language Survey o se poloketi tele e lagolago ma faatumau ai le faataua o gagana Pasefika ma o le uluai survey lea ua aoao mai ai faamatalaga faatatau i le faaaoga o gagana Pasefika i totonu o Niu Sila
Saunoa le minisita o tagata Pasefika, Aupito William Sio e tusa ma le faalauiloaina o lea suesuega, e lagona le faanoanoa i le sau i lalo o le aofaiga o tagata e faaaogaina gagana Pasefika i totonu o le 20 tausaga talu ai, ma o nisi ua oo lava i le tulaga ua leiloa atu
O se avanoa foi o le a aoao mai ai pe faapei le tali mai o tagata Pasefika I ana gagana, aemaise o le faataua o le gagana mo a taeao
O le aso ananafi na faalauiloa ma tatala ai lenei survey faasolo atu i le masina fou, ma o loo tatala le avanoa i soo se tasi e faasoa ai
