Ua faalauiloa le app fou a le NZTA e iloa ai e avetaavale aso e uma ai le aogā o Warrants of Fitness faapea lesitala o taavale.
I saunoaga a le minisita o feoaiga, Simeon Brown ananafi, o lenei app o le sitepu muamua lea o le agai atu iai e mafai ai ona teumalu laisene avetaavale i luga o faiga tekonolosi faaneionapo lea e mafai ona faaaogā ai le telefoni, poo digital driver licenses.
E lē gata e iloa ai aso e uma ai le aogā o pepa o taavale ae o se app e mafai ai foi ona totogi peimeni nei ma isi faamatalaga uma e faatatau i le taavale.
O loo maua uma faamatalaga i lenei app i luga o le upega tafailagi a le NZTA faapea ai ma faatonuga.
Puna o Faamatalaga: NZTA launches new app: ‘First step’ towards digital driver licence (1news.co.nz)
