Debbie Sorenson

Faalauiloa ile aso I latou o le a manuia I sikolasipi a le PMA

Ole afiafi nei e faalauiloa ai suafa o I latou o le a faamanuiaina I avanoa sikolasipi a le Pasifika Medical Association. E toa 13 I latou o le a faamanuiaina I nei avanoa e agavaa ai  mo le faaleleia o le soifua maloloina o tagata pasefika I NIu Sila ma atunuu o le pasefika.

O avanoa sikolasipi e tuuina I tausaga taitasi talu mai le 2018. Faailoa e le ofisa sili o le Pasifika Medical Association Debbie Sorenson, o nei avanoa sikolasipi e faamautu ai o loo iai  le lagolago mo tamaiti pasefika i galuega e penefiti ai le komiuniti a le pasefika mae fesoasoani ai I nisi o pa puipui o loo feagai ma nisi ile faaauauina o aoaoga aua le sailia o galuega.

O Sikolasipi ua faaigoa lava I nisi o I latou o loo aofia ai I lenei faalapotopotoga e aofia ai le Sorenson Pacific Health Scholarship, o le Dr Leopino Foliaki University of Auckland Scholarship, Le sikolasipi a Papalii Dr Semisi Maia’i ile Iunivesite o Otago, le sikolasipi ile Nursing poo le tausisoifua a Christina Atoa Tapu, Violani Ilolahia Wills Nursing Scholarship, le Sir Terepai Tuamure Maoate International Study Award.

Ole nofoaga ole The Cordis I Aukilani ua fuafua e faalauiloa ai I latou o le a faamanuiaina I nei avanoa.O nisi sa faamanuiaina I nei avanoa I tausaga ua tea, faatoa maua ai I le uluai taimi ni sikolasipo mo o latou foi aiga e pei ona faaalia ile pepa o faamatalaga.

Keep uptodate with Radio Samoa activity & promotion

* indicates required