O le Aso Tofi o lenei vaiaso ua faatino ai e le Iunivesite o le Pasefika – Samoa Campus i Alafua, lana polokalame masani i tausaga taʻitasi, e tatala ai le avanoa i fanau a le atunuu e molimauina nisi o a’oa’oga i tomai eseese o loo mafai ona su’eina ai tusipasi ma faailoga maualuluga i totonu o lea lālā o le Iunivesite o le Pasefika i Saute o loo i Samoa.
O se tasi lea o polokalame e maua ai e fanau ma le avanoa e fesiligia ai faia’oga ma ē o loo galulue i le iunivesite i vaega tāua e tatau ona tapenapena iai pe afai e fia su’eina se faailoga i se matāupu e pei o tomai i faato’aga ma su’esu’ega faasaienisi, ma isi tomai ua mafai ona a’oa’oina i totonu o le Iiunivesite.
O lea polokalame e taualuga i faafiafiaga o tū ma aganuu o le Pasefika e faatino e alo ma fanau o isi atunuu o le Pasefika o loo a’o’oga ai i le iunivesite.
O le faauuga a lea iunivesite ia Me o le tausaga nei e, 224 na faamanuiaina ai i tusipasi ma faailoga tipiloma ma tikerī i tomai eseese.
I lea aofa’iga e 161 tama’ita’i ae 63 alii ma e lē gata o alo ma fanau a Samoa na faauu ai, ae faapea foi nisi o alii ma tama’ita’i mai atunuu eseese o le Pasefika.
Comments
Loading comments…