Ua faailoa mai e le Palemia Jacinda Adern o le a faamatuu mai e le malo Covid-19 vaccine passports poo tusifolau faamaonia o le faia o tuipuipui o le koviti 19 ina ia faataga ai ona faimalaga tagata taamilo I le lalolagi.

Fai mai le palemia a oo loa ina taua le malaga i vaega eseese o le lalolagi, ua faateteleina pea le faalogoina o tala mai isi atunuu o le a le mafai ona faataga tagata e malaga atu I o latou atunuu pe a le maea ona faia tuipuipui.

Lea la ua galulue ai nei le malo mo le faatinoina o ia tulaga ma ia faamaonia tagata ua ma’ea uma ona faatino tuipuipui.

Ua maea foi o na faailoa I nisi lipoti e le Ea Niu Sila o latou leisi kamupani vaalele o le a faataitai ai foi le faiga lea ale IATA Travel pass.

Mai Ausetalia foi ua faalauiloa e le palemia Scott Morrison o le a faalauiloa foi e Ausetalia tusifolau mo tuipuipui mo tagata malaga faavaomalo.

E tele isi atunuu e pei o Amerika, Peretania ma Kanata e manaomia foi le faamaoniga lea o le faia o tuipuipui ina ia mafai ai ona ulufale i o latou atunuu e aunoa ma se faanofoesea peitai e tau fai eseese uma foi aiaiga tau femalagaaaiga ua faatulaga mai e atunuu taitasi.