Search
samoa Airways

Faai’ugafonoina e le Kapeneta le faamuta o le lisiina o le vaalele a le atunuu

I le feiloaiga a le tamaitai Palemia le afioga ia Fiame Naomi Mataafa ma le vasega o tusitala i le afiafi nei na ia faamaonia ai le lē oo o le vaalele a le atunuu i Samoa.

E pei ona silafia o se tasi lenei o atinae a le faigamalo na sei mavae atu nei ma na amata ona lisi le vaalele ma momoli atu loa e faamoemoe mo Samoa. O le taimi nei o loo i ai le vaalele i Ausetalia mo nisi o tapenaga.

Peitai na taua e le tamaitai  Palemia o le a lē faaauauina lea atinae ma o le a faamuta le lisiina o lea vaalele.

“Ua fai sina umi ona faatalanoa lenei mataupu i le taua lea o le māua uma o faamaumauga e ao ona aumaia e fai ai se faaiuga a le Kapeneta ma sa Gafa le tapenaga o se ripoti e le soa Komiti a le Kapeneta sa taitaifono ai le afioga i oe Minisita ia Leatinuu Wayne Sooialo o ia lea o loo Gafa ma mataupu tau i le vaaiga o le tatou Kamupani vaalele ma o lea ua taatia mai ia le lipoti a le tatou Komiti lea ma ua faaiugafono ai e le tatou Kapeneta e faapea o le a faamuta le lisi o le vaalele lenei o lona uiga e lē aumaia le vaalele ma o lea ua faatulaga ai se vaega tutoatasi e galulue i lalo o le vaaiga a Leatinuu e amata ona faatalatalanoa ma le Kamupani na pisi mai ai lenei vaalele ia ala e mafai ona toe faasolomuli ai le fuafuaga o le lisiina o le tatou vaalele”

Faailoa foi le Palemia o le a faia se suesuega faa sue tusi mo le Kamupani Vaalele a le Samoa Airways i tulaga tau tupe maua poo aitalafu tuua ma nisi lava o vaega taua mo le agai atu mo le lumanai.

Taua tele lenei auaunaga mo le atunuu ma e iai lava le faamoemoe e ao lava ona silasila toto’a le tatou faigamalo i se tulaga e faasaga tonu ai le galuega foi a lenei itutino o le Mālō.

E le’o se faaiuga faigofie e pei ona taua e Fiame peitai ua silasila le Mālō i itu uma e ao ona tagatagai iai ma taunuu ai i le faaiuga ua iai nei. 

O loo vaavaai foi le Kapeneta i auala e mafai ona faaauau ai femalagaiga a le atunuu i nisi o vaalele e pei o loo faatino lava i taimi nei e aofia ai nisi o vaalele a Fiti, o le Air NZ , le Qantas ae le gata i lea o loo iai le agaga i le Kamupani vaalele a le Virgin lea sa galulue foi ma Samoa  o loo faaauauina pea le tauaveina o le laisene mo le malaga atu i Samoa.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required