Ua maea le faigapalota a le malo tele o Amerika, peitai e le o o mautinoa poo ai e malo

Tuufaatasia tala o lenei taeao, Joe Biden 238 ma le 213 a Donald Trump

O ni fuainumera ua atagia mai ai le e le o ausia uma e I laua nei le maualao faatapulaa o palota e 270 lea e faaigoaina o le electoral college votes e manumalo ai

Peitai e faigata tele ona manino le iuga o le faigapalota, ona e faitau miliona palota na lafo I pusameli e le I tai-tai ona oo iai le faitau, ma I ripoti e ono atu I le vaiaso le umi e faitauina ai

Ao tatali pea le iuga anapo, na faailoa ai e Trump o le a ia oo I le faamasinoga e faaatalosaga ai le le vao’ia o le faaaoga o palota e fai I le maea ai o le palota ananafi, ma e le o mautinoa poo le a tonu le uiga o lana saunoaga

O Biden ma Trump o loo tau-fai-tautino uma I le manumalo Ae uma ane e le ausia le 270 electoral college votes, lona uiga o le a filifilia loa e le maota le peresetene lona 46 a Amerika