Gladys Berejiklian

Faaitiitia le aofa’i o tagata aafia ile Koviti 19 i Niu Sau Uelese

Mai Niu Sau Uelese ua faaitiitia mai le aofai o tagata aafia I le koviti 19. O le aso ua faailoa mai e 623 cases fou ua faamauina ma le toaono o tagata ua maliliu. O I latou ua maumau soifua e aofia ai tamaitai e toatolu ma alii e toatolu foi.

O leisi pe a ma le 40 tausaga le matua , toatolu pe a ma le tai 60 tausaga le matutua, toatasi I le pe a ma le 70 tausaga ma le toatasi pe a ma le 90 tausaga le matua o le soifua.

O le toafa o e ua maliliu e lei faia ni tui puipui , toatasi ua maea ona faia le tui muamua ma le toatasi ua maea ona fai uma tui puipui e lua. I le taimi nei e 959 gasegase o le koviti o loo taofia I maota gasegase, 193 I nofoaga tigaina ma le toa 97 o loo faaaoga masini faamanava.

O le aso 11 o le masina nei lea ua fetauaina o le a toe tatala ai le tele o aiaiga o le vavao I Niu Sau Uelese pe afai lea e ausia le 80 pasene o tagata ua maea ona fai uma tui puipui e lua atoa ai ma le 80 pasene ua faia uluai tui puipui.

O le vaiaso talu ai sa fofogaina ai e le premier Gladys Berejiklian lona agai ese ma lona tofiga ma tulaga o upufai ao lipotia ai se suesuega o loo faagasolo e aofia ai o ia ma se tasi sa I le palemene sa avea ma ana paaga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required