alcohol related infringements - Radio Samoa

Faaitiitia le aofai o faasalaga tuuina e leoleo faatatau i le ava malosi

O le aofai o faasalaga e tuuina e leoleo mo le solia o aiaiga faaletulafono I nofoaga e taumafa ai le avamalosi ile atunuu ua faaitiitia ma ua faamauina pe a male 75 pasene ua faaititia ai I totonu o le lima tausaga talu ai.

O faamaumauga ua faamtuu mai Ile Herald I lalo o le Ofiicial Information Act  ua iloa ai ua faaitiitia mai lea tulaga mai le laumua o le atunuu amata mai mai le 2016 seia oo mai I le tausaga na tea nei.

E faapea foi I Aukilani ua faamauina ai le faaitiitia ,mai o lea aofaiga mai le piliota lava foi lea e tasi, mai le 1223 o faasalaga sa tuuina ile 2016 ile nao le 300 I le tausaga na tea nei.

Ise pepa o faamatalaga ua faailoa ai e leoleo e leai se suiga I polisi poo nisi faamatalaga ese mai e faamatala ai le faaitiitia o le aofai o nei ituaiga faasalaga ae o nisi o finagalo faaalia mai le aufaigaluega ua iloa ai o loo faaaoga e leoleo nisi o faiga ua aoaoina ai ile feagai ai ma nisi o kulupu aemaise lava foi I tamaiti I Iunivesite e faatatau I le mataupu lea.

I lona tuufaatasiga I le atunuu atoa , o soligatulafono sa faamauina faatatau I ava malosi ile 2016 e 4565, peitai I le tausaga na tea nei ile 1500.

Ua faamauina foi le faaitiitia o nisi o faasalaga e faatatau I le tau sese o tausaga ile faaaogaina o le ava malosi mai le 287 ile 2016 ile nao le 73 ile 5 tausaga mu;limuli ane.

Keep uptodate with Radio Samoa activity & promotion

* indicates required