Ua manaomia le faaitiitia o tautalaga ae faatele le faatinoga, o le manatu faaalia lea o le sui mai Fiti o Sivendra Michael na faaalia ile pepa o faamatalaga mai le Pacific Cooperation Foundation (PCF) e faatatau i le finauina o ni faiga ma ni gaioiga e faaitiitia ai aafiaga mai suiga o le tau.
Ao aga atu taitai o atunuu mo le fonotaga lona 26 e faatatau i suiga o le tau, Climate Change Conference i Glasgow, ua siisii foi i luga finagalo faaalia e faatatau i sui o le pasefika ma faigamalo e mafai ona auai ile fonotaga ona o luitau ua faatulaga mai ona o le koviti.
O se vaega o tusitusiga faasolo a le PCF, le Pacific Voice series lea ua agiga ai ma faamatalaga ia mai le sui o Fiti O Sivendra lea fai mai a ia o le auai o le pasefika i fonotaga ia faatatau i suiga o le tau e taua tele ma o le faaitiitia o le avanoa e auai ai sui o le pasefika, o le ata lava lea ole faaitiitia o le avanoa e faafofogaina ai se leo o le pasefika i totonu o nei fonotaga. Fai mai a ia o le taimi a lenei e tatau ona faaleo ai popolega ole pasefika.
O le tausaga nei foi ile COP 26 e silia male 600 talavou mai le Pasefika ua tutu faatasi nei i lalo o le #Youth Pacific Declaration on ClimatrChange faatasi ai ma isi ile Have you sei campaign.
