O le aso 18 o le masina fou lenei ua faamoemoe e tolauapi faatasi ai le aulakapi liki a le atunuu le Toa Samoa ma tapena ai mo ana taaloga i Peletania i le aso 27 o Oketopa ma le aso 2 o le masina fou o Novema.
O le taimi nei e lei faalauiloaina le ‘au ua filifilia.
Ua faailoa lea tapenaga e le Pelesetene o le asosi o le lakapi liki i Samoa a o lata ai ina mae’a le taamilosaga o le lakapi liki a Ausetalia lea o loo taaalo ai nisi o alo ma tamafanau a le atunuu, o loo iai le talitonuga o le a filifilia i le Toa Samoa mo ia taaloga i Europa.
Ua faaalia foi e le Pelesetene o le asosi lakapi liki a Samoa le susuga Fiu Faaolatane Ponifasio Vasa, o lipoti ua salalau ua ta’ua ai le ono suia o aso e faia ai taaloga a le Toa Samoa i lana malaga i Peletania, ona o le faaipoipoga a se tasi o tama o le ‘au o le Toa Samoa e lē faamaonia.
