Ua faailoa e le Malo tagata faigaluega ole a mafai ona faamuta vave le faanofoesea I aiga pe afai o se close contact ose tagata ua faamaonia le aafia ile faamai.
O critical workers poo tagata faigaluega e matuai manaomia ona faatino galuega e pei o ilatou e galulue I le gaosiga o taumafa ma le sapalaia, auaunaga autu e pei o le soifua maloloina, fesoasoani faavavave, auaunaga tau le suavai, eletise, femalagaaiga, auaunaga tau tupe, le au faasalalau, soifua manuia o tagata faapea foi ma meaola.
O tagata faigaluega la ia e tatau ona negative a latou rapid antigen tests I aso taitasi ma o le a faatoa amata i leisi vaega o le faamai pe afai ae pepesi tele ma alu foi I luga le aofai o close contacts.I lipoti mai le Stuff ua taua ai ua faamaonia mai e le malo o tagata e faigaluega nao latou ae ua avea ma close contacts o nisi ua aafia, e mafai lava ona faaauau pea ona faigaluega.
Fai mai le minisita o loo feagai ma le Koviti 19, Chris Hipkins o le fuafuaga lenei e manaomia ina ia taofia ai le mamafa o le avega i le sapalai male faaauauina o auaunaga e tatau ona faaauau pea.
