Ua faamatala e Dame Jacinda Adern i luga o le instagram o le lauga faamavae a lē sa avea ma Sui Palemia o le atunuu i se taimi ua sola, Grant Robertson i le Palemene i le aso ananafi ua lē gata ina faamatala ai e Robertson le tele o le mau tala lelei ma tala mālie, le talaaga faapolokiki o lona soifua, ae ua atagia tonu ai ma le ituaiga tagata e iai o ia.
Na ta’ua e Ardern o se tasi lea o ituaiga tagata aupito lelei ua ia masani atu iai ma galulue faatasi.
Sa ta’ua foi le agaga faaaloalo o Robertson ia Ardern i le taimi o lana lauga ma ia saunoa ai o se avanoa maualuga ma se fiafiaga sili mo ia o le galulue faatasi ma Ardern i tausaga ua tuanai a o avea Ardern ma Palemia.
O Robertson ua faasee ese ma le Palemene ma ona tofiga sa iai ma ua ta’ua i nisi lipoti o le a agai atu e faaauau le galue i se tasi o tofiga maualuga i se iunivesite i le atunuu.
