Ua faaalia se finagalo ole tamaitai palemia o Niu Sila, Jacinta Ardern e tusa ai ma faamatalaga na faia I le vaiaso na tea nei e le sooupu ole matagaluega o le va I fafo a saina e pei ona faailoa atu I talafou ole vaiaso talu ai. Faamatalaga e faatatau I le Five Eyes, lea faiga faapaga lea I le va o Niu Sila, Kanata, Ausetalia, Peretania ma Amerika ma tuualalo sa tuuina atu I le malo o Saina ona o le mataupu e faatatau ia Hong Kong ma lona puleaina
O faamatalaga a le sui o Saina sa faia ile vaiaso talu ai sa taua ai e le afaina pe lima pe 10 mata o le faiga faapaga lenei ae afai e faasagatau ane ia Saina, ia faaeteete nei paia pe tuia o latou mata. Fai mai la Ardern ile faatalanoaga ma le ZB ile aso e le ole ituaiga gagana lea e faaaogaina. Taua e le palemia e iai pisinisi a NIu Sila e faia I Hong Kong ma o mea e aofia ai Hong Kong e ono aafia ai foi ma tulaga ia ma afai e faailoa e niusila ni ona popolega I itu ia, e faia isetulaga faaaloalo. Faailoa e Ardern e taua le maliega tau fefaatauaiga o loo iai nei a niusila ma Saina ae o loo iai foi le avanoa afai e silafia e niusila e iai ni itu e aafia ai niusila, e ao lava ona faamautinoa e mafai ona faaleo lagona I ia tulaga ma ia faatumauina pea lea sootaga taua,
