Search
Search
Hon Mulipola Anarosa Ale-Molioo
Hon Mulipola Anarosa Ale-Molioo. Photo by Parliament of Samoa

Faailoa pasene o tulaga ua iai le atina’e tasi le miliona tala

O le Matagaluega o Tina ma Tamaitai Atina’e o Afioaga ma Aga Fesootai o loo vaaia le faagaioia o le poloketi o le tasi le miliona tala mo itumalo palota e 51 o le atunuu, ua na faailoa le tulaga lata mai i le pasene o itumalo ua latou tausisia aiaiga o le poloketi ma lona faagaoioia.

O le 98-pasene o itumalo ua tuuina atu lipoti a suetusi i le faaaogāina o seleni, ma itumalo ua tuuina atu i le komiti o le poloketi a latou fuafuaga o le atina’e e faaaogā iai vaegatupe.

O le 92 pasene o itumalo ua tatala ma faaaogā ofisa o Fono Faavae, ma ofisa ua mae’a sainia maliega, 88 pasene o itumalo ua mae’a ona faamatuu iai le vaega tupe muamua o le 425 afe o le miliona tala muamua.

O le 76 pasene o itumalo ua mae’a tuuina atu a latou lipoti o le faaaogāina o le uluai 425 afe tala, 63 pasene o itumalo ua mae’a faamatuu iai le vaegatupe 425 afe lona lua o le uluai miliona ina ua mae’a tuuina atu lipoti o le faaaogāina o le uluai 425 afe tala.

O le 80 pasene o itumalo ua atoa uma tagata faigaluega o o latou ofisa o Fono Faavae, ma e foliga mai o le isi 20 pasene o itumalo e lei mautu tagata faigaluega manaomia mo o latou ofisa.

Ua mae’a pasia i le tala autu o le tupe le tasi le miliona tala lona lua peitai e leai se itumalo ua faamatuu iai se vaega o lea miliona ona e lei mae’a ona faamatuu le miliona tala muamua i nisi o itumalo ma nisi itumalo e lei mae’a tuuina atu a latou lipoti ma faamatalaga o le sueina o tusi i le faaaogāina o seleni o le miliona tala muamua.

Tala sili ona faitaulia

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required