Ua faailoa e le komiti o tapenaga o polokalame o le faaiuina o sauniga o le 60 tausaga o le tutoatasi ma le faailogaina o le 61 tausaga, aufaafiafia mo faafiafiaga faaleaganuu o le tatou Sisigafu’a i le masina fou o Iuni.

O le itumalo o Aiga i le Tai o le a saunia le pese, ae o itumalo o Palauli le Falefa mai Puleono i Salafai ma Aleipata Itupa i Lalo o le a saunia faafiafiaga.

O ia polokalame ua faatulaga mo le aoauli o le Aso Tofi le aso muamua o Iuni ma e faia i le mae’a o le sauniga masani i le taeao o le aso lava lea o le sisiina o le fu’a ma savali faaaloalo a aoga ma faalapotopotoga faapea ni matagaluega ma faalapotopotoga a le malo o le a lesitala mo le fia auai.

O faaagatama i le tai i tuuga fautasi o le ‘afa o le sefulutasi i le taeao o le Aso Faraile 26 o Me e faagasolo ai ma o le mamao masani mai gataifale o Faleula e amata ai le tuuga ae faatini mai i le taulaga i gataifale o le afioaga o Apia.