Faailoa ni fautuaga e uigai le State of Nation report i tagata ma fualaau faasaina

E ui na iai sina faaitiitiga ile aofai o faamasinoga faatatau ile umia o fualaau faasaina I totonu o le 10 masina talu ona iai suiga ile Tulafono ole faaaoga sese o Fualaau faasaina poo le Misuse of Drugs Act ile tausaga na tea nei, ae e foliga mai e le o faaitiitia ai moliaga o loo faia faatatau I fualaau faasaina. O nisi ia o iuga o le suesuega a le atunuu atoa ua faalauiloa mai nei le State of the Nation report. O loo faamanino mai ai le manaoga mo le malo ina ia faia nisi aiaiga ile tulaga o fualaau faasaina ma ia inivesi I le faia o togafitiga ma auala e taofia ai tagata mai le faaaogaina.

Ua faailoa mai ai I le lipoti faamatalaga mai nisi o auaunaga poo providers e fesoasoani I le togafitia ma le faia o polokalame fesoasoani I e aafia I fualaau faasaina, lea ua faailoa ua matuai maualuga le manaomiaga o a latou auaunaga I le komiuniti ile taimi nei aemaise lava ona ile taimi o le lockdown e ui na iai nisi na faaitiitia le faaaoga o fualaau ae o nisi na matua maualuga le faaaogaina. Ile 2019 agai mai I le 2020, e 3067 tagata na faamaonia solitulafono mitimiti faatatau I fualaau faasaina, mai lea numera tele e silia ma le afa o I latou ia e I lalo o le 30 tausaga le matutua . Ua toe unaia ai foi e le NZ Drug Foundation le malo ina ia silasila I le toe faaopopo o le fesoasoani tau seleni mo le faia o polokalame tau togafitiga ma le vave ona fofo pe togafiti foi nisi e vave iloa le ono iai o aafiaga ile faaaogaina ma le umia o fualaau faasaina

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required