Ua faailoa le suafa o le alii na maliu ina ua fana e leoleo i Ueligitone i le Aso Lua o le vaiaso nei.
O Sam Fakalago e to’aono lana fanau na fana ai i Newlands a o tali atu ai leoleo i le valaau na faaoo ane i lipoti o le faaoomanu’a.
Mai leoleo na faamata’u e Fakalago leoleo, taumafai e loka ia i totonu o le fale ma i lea taimi na ia tuuina foi le agaese i le faa’ī (tulou) o le tina sa iai faatasi ma ia i totonu o le fale
O le lē usitaia ai e lē ua maliu o faatonuga a leoleo na fana ai loa ma faamanu’alia tigaina ai, mulimuli ai uma lona soifua.
A o le’i fanaina e leoleo na mafai ona faasaoina muamua mai i fafo le tamaititi sa i totonu o le fale.
O Fakalago e iai ona sootaga ma le kegi a le King Cobra, ma o lea sa alu e asiasi i lona aiga ae e le’i toe foi mai i Aukilani i le nofoaga o loo nofo ai i le rehab mo lona ola toe fuata’ina.
I luga o le social media, to’atele ana uo faapea nisi o lona aiga e lē o fiafia i le faai’uga a leoleo, ma o nisi e lē o fiafia i le valu o pulufana na fana ai ma le faamatalaga sa tatau lava i leoleo ona faia se isi gaioiga.
Ae i le tali mai ai o le ofisa, e le’i faigofie ma o lea lava sa taumafai e faasao mai le tina ma o le mafuaaga lea na fana ai.
