Ua tapena nei le pulega o le faalapotopotoga o le faaputugatupe o le lumanai manuia o tagata i Samoa le NPF e totogi atu i le au faisaofaga le faamanuiaga poo le dividend ua pasia e le komiti faatonu o le faalapotopotoga lea ua faatulaga mai e 6 tesimale 6 pasene.
O le 1 tesimale 5 pasene o lea aofaiga poo le $15,399,266.32 sene o le a totogi sa’o i le au faisaofaga, ae o le 5 tesimale 0 pasene o le a tuusa’o i seleni a le au faisaofaga o loo teu faafaigaluega i le NPF lea o le a faaalu ai se aofaiga o tupe e tusa ma le $48,122,731.46sene.
O le masina o Ianuari o le tausaga nei na totogi atu ai foi le isi faamanuiaga e 2 tesimale 4 pasene i le au faisaofaga ma maua ai le aofaiga tuufaatasi e 9 pasene o le dividend.
Ua faailoa i faamaumauga mai le NPF o le aofaiga atoa o tupe mo le faamanuiaga lea e iva pasene e pei ona sa amata totogi i le masina amata o le tausaga nei e $87,345,579.63 sene.
