samoan-tala

Faailoa le tala faatatau Autu o le Tupe 2021 – 2022

O le tala faatatau Autu o le tupe 2021 – 2022 a Samoa le ua tapenaina e le faigamalo tausi o loo iai nei e silia i le piliona tala.  E ui i le tulaga le manino o iai nei le faigamalo a Samoa, ae ua tapena e le faigamalo lenei tala faatatau autu o le tupe mo le isi lima tausaga o lumanai nei

Taua e le Palemia tausi  Tuilaepa Lupesoliai Sailele Malielegaoi“ o le uluai taimi lenei ua ausia ai e Samoa le maualuga lea o lana tala faatatau autu o le tupe i le piliona tala”

Ma o le a lava le taunuuga o le a iai, pe toe faaauau e le HRPP poo se isi foi vaega faaupufai le taitaiga o Samoa ae ua maea ona latou tapenaina le tala o le tupe”

I ripoti a le Savali Newspapaer na taua ai  “E le ese mai lenei tala o le tupe mai i isi tala faatatau o le tupe a Samoa i tausaga ua mavae, o le a  fuafua le faaoagaina o lenei paketi i tupe faaalu o le taimi nei ma tupe faaalu faavae poo le “Expenditure and Statutory Expenditures” lea e oo atu i le $842.6 miliona tala.

O nisi nei o vaega e fuafua e faaoga ai lenei seleni e aofia ai le faatupega o nonogatupe mai atunuu i fafo ma Samoa, o tupe faaalu faatasi ai ma totogi mo Pulega maualuluga e pei o le Ao o le Malo, afioga i Sui tofia faapea pulega a le Malo e aofia ai Pulega , Faamasinoga ma le Ofisa o le Fono.

O le aofai e 158 miliona o le a tuu ese lea o atinae eseese e unaia ai ma faamausali ai le siisii o le tupe maua a Samoa ( Samoa’s growing economy)

Ma le tele o nisi vaega taua e aofia ai le fesoasoani i faiga fou o Puipuiga mai le Koviti19 ae le gata i lea o faalapotopotoga o loo galulue i lea vaega.

Faataitaiga o le siitia o penisione a tagata matutua i masina taitasi i le ta’i 200 mai le S.N.P.F. E pei ona silafia e la tai le toa 11,000 tagata matutua Samoa ua agavaa i lenei faamanuiaga lea na amata fai mai lav ai le tausaa e 1990.

O le isi vaega fou o le pakeki o le talosagaina o le 3 miliona tala mo i latou e iai aafiaga tumau o le tino ae faapea tagata matutua o loo iai aafiaga tumau o le soifua.

Ua iai foi nisi o vaega e fesoasoani ai i le itu tau tagata tafafao maimoa mai fafo e pei o faletalimalo, ae le gata i lea o le 5 miliona tala ua atofaina mo le Ofisa o faigapalota aua tapenaga ma fuafuaga a le Ofisa i le itu lava o faiga filifiliga a le atunuu.

Talu ai ona o le uluai taimi lenei ua oo ai i le 1 piliona tala le tupe faatatau Autu o le Tupe a Samoa o se faailoga lea o le toe amata agai i luga o le tamaoaiga  ao le atunuu talu mai ona pagatia i le koviti19. O le fuafuaga a le Palemia le tumau ia pasia lea tala faatatau autu o le tupe i le faaiuga o le masina.

Peitai o lea tala o le tupe na taua e le sui fapule o le FAST ia Olo Fiti Vaai e pepelo (fake). Na ia taua o se auala ua taumafai ai Tuilaepa e faatosina ma seetia ai manatu o tagata peitai ua tuai.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required