Ua mafai nei ona faailoa le suafa o leisi tagata o loo molia ile faalavelave na maliu ai le tagata mai Aukilani o Brian James ile lua aso ao lumanai ai le Kirisimasi, o ia lea o Apisaloma Timoti ma ua aveesea nei le poloaiga sa faasa ai ona faailoa lona tagata pei ona iai lipoti ale Herald.
O le na aafia o Brian James 23 tausaga ua lipotia na fanaina ma maliu ai ise fale I Glass Road I Mt Roskill ile aso 23 o Tesema tausaga talu ai. Ua lipotia foi e toalua isi na manunua ai ile faalavelave lea ma auina atu ai le falemai.
E toatolu alii ua molia ile mataupu lenei. O Angelo Junior Thomsen e 42 tausaga, ma Timoti 33tausaga ma ua faailoa e teena uma e I laua ia o la moliaga.
