O le oo atu o le sulu o le filemu i nisi o nuu ma afioaga o le atunuu, ua faaosofia ai ma lagona o ni tina se toalua e faailoa i le auaunaga a le Toomaga mo ē Puapuagatia ni sauaga o loo aafia ai se teineititi 7 tausaga le matua.
Ua faailoa e le faalapotopotoga i se latou pepa o faasalalauga, na faaosofia lagona o ia tina e faailoa ane lea tulaga, a o molimauina e le teineititi le faasavaliina atu o le sulu o le filemu i lo latou nuu i le vaiaso na tea nei.
Ua i totonu nei o le nofoaga o le Campus of Hope le teineititi 7 tausaga ma faatasi ai ma isi fanau ua sauaina o loo vaaia e le Toomaga mo ē Puapuagatia.
Ua tuuina atu le mataupu i leoleo mo suesuega.
O le faaiuga o le vaiaso na oo atu ai le sulu o le filemu i le motu o Savaii.
