O lea ua faailoa e le ausuesue tau le soifua maloloina le mafuaaga e aupito sili ai ona maliliu tagata i Ausetalia.

O le gasegase o le fatu, coronary heart disease o se tulaga ua poloka ai le agai atu o le toto i le fatu ma ua ta’ua o le tulaga lea na iai sana fesoasoani i le aafia o le soifua o le toeitiiti 40 afe o tagata Ausetalia i le 2022 ma e taatele atu nai lo se isi lava mafuaaga e maliliu ai tagata i Ausetalia lava ia.

O le suesuega sa faatino e le Australian Institute of Health and Welfare ma o latou ta’ua ai o le malamalama i mafuaaga e maliliu ai tagata Ausetalia e faigata tele ma o le tali e fesuisuia’i lava e fua i le ituaiga vaai i tulaga o loo aofia mai.

Fai mai o tua mai o gasegase ia o le fatu o loo sosoo atu ai ma le dementia poo le faigata ona toe manatua o mea, sosoo ai ma le toto maualuga ma le suka e aofia uma i mafuaaga e 5 pito i luga o gasegase o loo mātele ina aafia ai soifua o tagata i Ausetalia.

Puna o Faamatalaga: https://www.9news.com.au/health/australia-cause-of-death-coronary-heart-disease-dementia-high-blood-pressure/bb0a7dc5-fcbd-45df-8431-b691acf11433