Ua faameaalofa ane e le faiaoga o le All Blacks, Ian Foster se jersey a le All Blacks i le pule o le FIFA, Gianni Infantino.
O le feiloaiga a Foster ma Infantino ma se tasi alii iloga i le taaloga o Youri Djorkaeff na faia i Aukilani i le Aso Sa na tauaao ai le jersey ma le polo soka o le faailo aloaia o le Ipu o le Lalolagi o loo talimalo faatasi ai Niu Sila ma Ausetalia.
Mo Foster e fai si loloto atu o le sootaga ona o lona afafine o Michaela o se tasi o sui o le Football Ferns ma o le faamatalaga a Foster i lea feiloaiga, o le faamoemoe lea o le Ipu o le Lalolagi e tāua tele mo le atunuu aemaise le tulai mai o tamaitai i lea tulaga maualuga i le taaloga.
Na faafetaia e Infantino le meaalofa ma le faaaloalogia foi e le alii faiaoga o le taamilosaga o loo faagasolo i le atunuu.
