E oo atu i le $75 i le vaiaso e fesoasoani mai ai le malo i le tau o loo totogi e mātua mo childcare, ma e fua lava foi i tupe maua.
O le fesoasoani lea ua faamautinoa mai ananafi e le minisita o tupe Nicola Willis lea e agavaa ai mātua e oo atu i le $180,000 tupe maua i le 25% e mafai ona toe faatalosaga ai mo le totogiina o le vaaiga o fanauiti.
Fai mai le minisita o se tasi lea o itu o loo ave iai le faamuamua a le malo o le lagolago o aiga ina ia mafai ona gafatia peimeni nei e totogi mo le vaaiga o fanau ma o le amataga o le masina o Iulai lea e mafai ona faaputu ai lisiti o tupe o loo totogi ma faatali i le masina o Oketopa o le tausaga nei lava e toe faatalosaga ai mo le fesoasoani ua faailoa mai.
O le FamilyBoost childcare subsidy e lē totogia mai ta’i lua vaiaso ae faatasi i totonu o le tolu masina, ma o lona faitauina foi e amata faitau mai peimeni nei e totogi e mātua i le mae’a toesea o le 20 itula maua fua faapea le childcare subsidy lea o loo totogi mai e le matagaluega o le Social Development.
O nisi tala i le atoaga o lenei fesoasoani o le a faailoa mai i le aso o le paketi, aso 30 o Me.
I fuainumera faatusatusa a le malo, pe ā ma le 100,000 aiga e ono agavaa ai i lea fesoasoani.
