Aaron Smith
Aaron Smith | Photo: newshub

Faailoa le au ale All Blacks o le a fetaui ma Fiti

Ua faailoa le au a le All Blacks o le a fetaui ma Fiti I Dunedin I le aso toonai nei. O le afa lauiloa a le au Aaron Smith lea o le a kapeteniina le au mo le uluai taimi I lana taaloga lona 98 lea mo le au a le atunuu. Fai mai le faiaoga o le au Ian Foster o Aaron o se tama taaalo faapitoa ma o se taitai e tulaga ese ana tapenaga mo le taaloga.

O leisi talavou fou I le au o Ethan De Groot sa ave foi iai le faamalo a le faiaoga I le tulaga maualuga o lana taumafai ma le filifilia ai I le au tele. Fai mai Foster o le au a Fiti o le a ese foi sia luitau mo latou mai le au a Tonga. O Fiti o se au malosi ma e toatele foi ana tama taaalo mai fafo atu o le atunuu o loo aofia ai, aemaise lava mai Europa.

Taua e le faiaoga o se taaloga o le a saosaoa, faatautino ma ua nofo sauni foi lana au I lea luitau.  O le taaloga o le a faia I le Forsyth Barr Stadium I Dunedin ma e amata  ile tea ole fitu I le afiafi o le aso toonai nei, O le au e aofia ai:

George Bower, Codie Taylor, Nepo Laulala, Patrick Tuipulotu, Brodie Retallick, Shannon Frizell, Ethan Blackadder, Hoskins Sotutu, Aaron Smith, Beauden Barrett, George Bridge, David Havili, Rieko Ioane, Sevu Reece ma Jodie Barrett.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required