Ua polomisi mai le Palemia Chris Hipkins o le a faia le isi auala e sosoo ai le taulaga faatau i Aukilani ma North Shore, pe a faafaigofie o le a lua ai loa auala ma le Harbour Bridge o loo iai i le taimi nei.
O le tala mai lea ia Hipkins, ma ese mai lea auala o lea o le a fau muamua le tunnel 21 kilomita e feoai ai trains i le va o Aukilani ma Albany.
O ni fuafuaga e faia auaua’i ma o le a faaopoopo foi le auala mo uila faapea le auala savali i luga o le auala laupapa o loo iai i le taimi nei.
Ua fai mai ai le National, ua na o ni fuafuaga ae lē iloa e le Labour pe faafefea na faatupe.
I le faasilasilaga mai le malo ananafi e foliga mai ai e i le va o le $35 piliona ma le $44.5 piliona le tau atoa e faatupe ai.
O fuafuaga a le Labour na sau ananafi, ua faailoa mai ai i le mae’a faalauiloa e le National o ana fuafuaga $24 piliona e fau ai le 13 auala tetele i totonu o le atunuu ese ai poloketi fou tau femalagaa’iga faapitoa mo Aukilani.
