Andrew Johns and Matthew Johns - Radio Samoa
Source: News Corp Australia

Faailoa fuafuaga a tama tuai o le lakapi Liki mo le Toa Samoa

O se tasi o au uso ua lauiloa i taaloga lakapi liki i totonu o Ausetalia mai le 1990 agai le 2000 Matthew Johns ma Andrew Johns lea ua faailoa nisi o la fuafuaga e ono galulue ai o ni faiaoga mo le Toa Samoa faatasi ai ma le fesoasoani a le alii Samoa o Sonny Bill Williams.

Na faailoa e Matthew lenei mataupu ina ua fesiligia i luga o se polokalame ua faaigoaina o le Night with Matty Johns i Ausetalia pe e mo’i lona naunau ai e fia avea ma faiaoga a le Toa Samoa.

Taua e Matthew “ o loo iai le Faiaoga Ulu a le Toa Samoa i le taimi nei ae ua uma ona talanoa i lona uso o Andrew Johns ma o loo iai lo la naunautaiga e fia galue faatasi ma le au a lakapi liki a le atunuu”

Na ia taua foi “E iai foi isi galuega o loo la galulue ai ae ua uma foi ona talanoa atu i le isi alii lakapi faapolofesa ia Sonny Bill Williams”. Faamanino foi e Matthew e mafai ona o latou faia le galuega e aunoa ma se totogi ma o le a galulue faatasi uma ai i latou e toatolu.

Ae le gata i lea na ia taua e tatau i le au lakapi liki a Samoa ona faataitai i vaega o loo faia e le au a Tonga.

O lona talitonuga ia mafai e le Toa Samoa i le lumanai ona faato’ilaloina le au malosi a Ausetalia e pei ona faia e le Mate Maa Tonga.

E ui o lea ua tuuina mai se pepa o faamatalaga a le Lakapi Liki a Samoa o le a faaauau pea le galue ai o Matt Parish ma faiaoga ulu o le au a le Toa Samoa ma o le a ia taitaia le au a le atunuu i le Ipu o le lalolagi i le tausaga nei ae na taua e Matthew afai ae tulai mai se sailia ai o se faiaoga fou o loo avanoa ia ma lona uso o Andrew.

Taua foi e nisi o tama taaalo lakapi liki e pei o Jarome Luai ma Brian Too o se tualga mataina tele pe a fai ae maua le avanoa e faiaoga ai lenei au uso faatasi ai ma le fesoasaoni a Sonny Bill Williams.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required