Ua faailoa se faamatalaga na faia a se sooupu a le NZ Jewish Council e faapea e leai se taofia o vevesi i Gaza se’i vagana ua faasaoloto mai le silia ma le 200 o tagata na aveesea faapagota mai Isaraelu.
Na lipotia e le BBC na ave faapagota e le Hamas tagata pe ā ma le 240 i le taimi o le latou osofaiga i le aso 7 o Oketopa lea foi na maliliu ai le silia ma le afe o tagata Isaraelu.
E na o le toafā tagata ua mafai ona faasaoloto ane, o se tina ma sana tama teine o ni tagata Amerika ma isi tina matutua e toalua mai Isaraelu.
O le faaiuga o le vaiaso na valaau ai Chris Hipkins ina ia taofia loa osofaiga i Gaza ma saunoa i lona tulaga faataitai o le pati a le Leipa ae e o le caretaker PM pei ona iai nei.
O se gaioiga ua lipotia le fiafia iai o le Federation of Islamic Associations ma valaau ai foi ia Luxon ina ia faia se isi gaioiga malosi atu e tetee atu ai i le osofaia o Gaza.
Ua mananao foi lea asosi ma faailoa e le latou sooupu i le Morning report ua alagatatau ona aveesea loa le amepasa o Isaraelu i Niu Sila.
