Ua folafola mai e Ausetalia le mau fuafuaga fou e fesoasoani ai i lona tuaoi o Papua Niu Kini ina ia faaleleia le puipuiga faalotoifale ma le tulaga tau le faamasinoga.
O tala mai le alaata 9 ua faailoa ai se maliega ma Papua i totonu o le 24 itula talu ona foi le faigamalaga a le Premier o Saina sa asiasi mai i Ausetalia.
O le maliega la na sainia i Port Moresby i le aso ananafi e pei ona ta’ua i le lipoti o le a atili faamalosia ai le lagolago mo le finau atu faasaga i soligatulafono e faatatau i tupe, faaleleia o tulaga tau faamasinoga mo tagata talavou ma ia faaleleia ma faasaogalemu nofoaga mo faasalaga a le atunuu.
Fai mai le minisita o le va i fafo a Ausetalia, Penny Wong i lea lipoti, o se Papua Niu Kini malosi ma saogalemu e lelei mo Papua ae lelei tele foi mo Ausetalia aemaise o le itulagi atoa.
Puna o Faamatalaga: https://www.9news.com.au/world/australia-to-help-png-with-security-and-justice-with-new-deal/cf7781ae-a260-48cd-9dc4-e1384f24f9b4
