Ua lipotia le faate’ia o tagata faigaluega i le atunuu ina ua mae’a ona faalauiloa mai e le Premier o Kuiniselani o Steven Miles le ioeina o nisi o faamanuiaga mo tagata faigaluega faufale i le setete.

O le maliega ua iai nei e aofia ai le totogiina o se ponesi e 100 tala i le vaiaso mo le aufaigaluega e manaomia ona faaaogā a latou telefoni feaveai mo galuega, $1000 i le vaiaso pe afai e aumau i le silia ma le 50km mai le nofoga o lana galuega ma le faaopoopo o totogi mo tradies e lē manaomia ona faaaogā apefai e 8 mita le uumi.

O le faaopoopoga lea i le 5 pasene e sii ai le totogi i le tausaga seia oo i le 2027, e 4 vaiaso o livi, silia ma le 5 vaiaso o dayoff mai le galuega, 10 aso malolo faalauaitele i Brisbane ma se aso se tasi e tapunia ai fale faigaluega, picnic day.

Ua faailoa foi i le lipoti a le 9News o le a totogi foi le aufaigaluega i le timu poo le lā foi o le aso faigaluega.

Ua ta’ua i le lipoti o lenei maliega ua ofo ai le toatele o tagata faigaluega ma tomanatu ai le toatele pe ua alagatatau ona agai i le Sunshine State e aumau ai.

Puna o Faamatalaga: https://9now.nine.com.au/a-current-affair/queensland-tradies-reap-rewards-of-astonishing-new-pay-conditions/48f0d129-651e-47fa-b0d3-13dc86b224f4