O le aso 27 o Iulai e tulai ai i le faamasinoga le Ofisa Sili o le Pulega o malae ma fale taalo le Samoa Sports Facilities Authority, e tali i le moliaga o le faaoolima i se alii leoleo.
O lē ua molia o le susuga Moefaauo Salale Moananu e pei ona faaalia e leoleo sa taofi lana taavale ma lapataia i le saoasaoa, ae tulai mai ai nisi feteena’iga ma le Malu o le Malo na taofia. Ua faailoa e le Komesina o Leoleo le susuga Auapaau Logoitino Filipo i le nusipepa o le Samoa Observer, e iai nisi moliaga e ono faaopoopo a o faagasolo ai suesuega i le taimi nei.
