Ua faalauiloa mai e le malo le faia ai o se iloiloga faalaua’itele i le faatino ai e leoleo o lo latou galuega i le su’esu’eina o le matāupu e pei ona laualuga i le atunuu, e faatatau lea i le alii o Tom Philips.
I le maliu ai o le alii ina ua tula’i mai se faafitauli o le vataua’i e faaaogā ai laau malosi i le va o lea tagata ma leoleo i le masina o Setema.
O lea na āfaina ai se tasi o malu o le malo ina ua lavea i le pulufana o le laaumalosi na faaaogā e Tom Philips.
Faamaonia e le Loia Sili o Niu Sila, Judith Collins o lea iloiloga o le a silasila toto’a ai pe na faatino e leoleo auala uma e tatau ai i le saogalemu o fanau a lenei alii.
Ta’ua ua afua foi lenei iloiloga ona o popolega a le lautele i nai fanau, ma le tulaga na iai le lata i le 4 tausaga o sa’ili mai i latou.
Faamanino o le a faatautaia le iloiloga e aunoa ma le faasalalauina ae o le a faia faalilolilo ina ia mautinoa le malupuipuia o fanauiti o loo aafia.
Ta’ua le filifilia poo le tofia ai o le faamasino o le KC ia Justice Simon Moore e faatautaia lea iloiloga ma o se iloiloga tuto’atasi, ma o le aso 21 o Iulai o le tausaga fou 2026, o loo fuafua e folasia ai taunuuga ma fautuaga e tusa ai ma lea matāupu.
O loo māua le iai pea o se tapu, i le faasalalauina e ofisa faasalalau ma tusitala o ni vaega o lenei iloiloga ma matāupu.
Puna o Faamatalaga: https://www.rnz.co.nz/news/national/580147/inquiry-into-handling-of-the-tom-phillips-case-announced-by-government
