A o lumana’i le Aso Faraile le faai’uga o lenei vaiaso e tatala ai le faauluina o ni sui faatutū mo palota laiti a Itumalo Palota o Vaimauga 3 ma Falealili 1, o le Aso Lulu o lenei vaiaso na faailoa ai i luga o upega tafa’ilagi o faasalalauga a le Vaega Faaupufai e Puipuia Aiā Tatau a Tagata, le momoli atu o ona sui tauvā mo ia palota laiti e lua.
O le tōfā Taveuveu ‘Asa’asa Willie Tuatagaloa o le sui tauvā o lea patī faaupufai mo Falealili 1, ae o le afioga Vaiofuaiupolu Chris Faaofo o le latou sui tauvā mo Vaimauga 3.
O le nofoaga autū o le Vaega Faaupufai e Puipuia Aiā Tatau a tagata na feiloa’i ai sui tauvā ma faamautū ai le talia e tauvā i le fu’a mo le patī o loo agaia nei le malo.
O ni vaega o saunoaga ma fetalaiga mai sui faatutū le tōfā Taveuveu ‘Asa’asa Willie Tuatagaloa ma Vaiofuaiupolu Chris Faaofo.
I palota laiti mo ia itumalo ua mautinoa foi i tapenaga a le Vaega Faaupufai o le Faatuatua i le Atua Samoa ua Tasi, le sauni o a latou sui faatutū o le a faaulu suafa mo ia faigā filifiliga i le masina fou.
Comments
Loading comments…