Faailoa e le Faamasino Sili vaega e tatau ona galulue ai Loia

E lua vaega taua lea ua tuuina atu e le Faamasino Sili le afioga ia Satiu Simativa Perese  i Loia uma o loo nafa ma le finauina o le mataupu faatatau i le tagi a le FAST faasaga i le malelega a le Ao o le Malo ina ia faaleaogaina le faiga palota na faia I le Aos 9 o Aperila ae toe faia se isi faigapalota i le aso 21 o Me 2021.

O nei vaega e lua e auala atu ini fesili

•    o le a le auala o le malosiaga a le Ao o le Malo e malele ai ina ia faia se faiga palota fou ?
•    o le a le auala o le malosiaga a le Ao o le Malo e faaleaogaina ai iuga o faigapalota muamua ?

O vaega nei e tatau ona tagatagai ai Loia uma e toafa e tapena ai a latou faamaumauga e tuuina atu i luma o le faamaisnoga maualuga i le Aso tofi o le vaiaso nei mo lona valaauina.

Mo le silafia o Loia o le a finauina lea mataupu i le Aso Tofi e aofia ai le tamaitai Loia ia Taulapapa Brenda Latu o ia foi sa avea ma Loia Sili i nisi o tausaga ua mavae ma le afioga I le Loia ia Matafeo George Latu o i laua ia o loo tulai mo le vagea faaupufai a le FAST.

O le afioga ia Fuimaono Sefo Ainuu lea o loo tulai mo le ofisa o le Loia Sili ma le loia a le vaega faaupufai a le HRPP lea o loo tulai mai ai se tasi fou na avea ma Loia Sili i tausaga ua tuanai le afioga ia Aumua Ming Leung Wai.

O le aso Tofi nei 13 o Me, lea o le a faaauau ai le mataupu i le tagi a le FAST faasaga i le malelega a le Ao o le Malo e faaleaogaina uma ai iuga o le faigapalota muamua a le atunuu.

LAUILOA

Keep uptodate with Radio Samoa activity & promotion

* indicates required