Ua atili faateleina le aofa’i o teufugalaau ma cards o alofa’aga o tagata e momoli i le aiga o si tamaitai mai Melepone lea na maua atu e lona tuagane ua maliu i lona fale i le Aso Gafua.
O le tamaitai e suafa ia Nikkita Azzopardi mai South Morang i Melepone lea ua maliu ae ua molia ai lana uo tama ua lua tausaga o mafuta, Joel Micallef i le fasioti tagata.
Sa tatau ona tula’i le alii lea i le faamasinoga i le Aso Lulu peitai e le’i oo atu ma le faamatalaga a lana loia o loo iai ni faaletonu tau le soifua mālolōina ma o loo i le falema’i.
O le aso 5 o Mati o le tausaga fou ua toe faatulaga e tula’i ai i le faamasinoga ae o tuagane e to’alua o si tamaitai ua maliu na o la faailoa i le ‘aufaasalalau talosia ia iai se suiga i le tulaga o sauāga i tamaitai ma ia aua ne’i maliu fua lo la tuafafine.
O loo faaauau le su’esu’ega i le faalavelave na tupu.
Puna o Faamatalaga: https://www.google.com/amp/s/amp.9news.com.au/article/a9c0d7ae-52e3-485d-9154-cf13ca9a4bc1
