second dose Covid Samoa

Faagasolo tui lona lua o le Koviti

Ua amata nei le faatinoina o tui lona lua mo i latou ua maea a latou tui muamua o le Astrazeneca ma na taulamua foi sui o matglauega a le Malo e fai a latou tui puipui lona lua.

I se faatalatalanoaga ma le Ofisa Sili o le Matagaluega o le Soifua Maloloina na taua ai e Leausa Dr Take Naseri lea ua faamauina e oo atu i le to’a 40,360 i latou ua maea a latou tui puipui muamua ma ua tatala le avanoa e faagasolo ai tui puipui lona lua aua lava le nofo puipuia o tagata Samoa.

“E tusa ma le 117,000 le aofai o tagata e ova atu ma le 18 tausgaa le matutua lea e agavaa e fai tui puipui ma mai lea fainumera e 34% i latou ua maea ona fai a latou tui puipui”

Faamaonia mai foi e Leausa e 24,000 nisi o tui puipui o le a taunuu atu mo Samoa aua lava le mafai ona faasafua tui mo tagata uma.
E pei ona silafia o le tui o le Astrazeneca lea o loo faaogaina e Samoa ma o lenei tui e tatau ona fai faalua ma e 8 vaiaso e faatali ai pe a maea le tui muamua ona agavaa lea mo le tui lona lua ina ia mautinoa le puipuia o le tagata.

E oo mai i le taimi nei e to’a 117 i latou ua maeamaea atoatoa a latou tui puipui o le Koviti19.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required