Search
Search
Photo by Ministry of Finance

Faagasolo talanoaga o le poloketi faatanoa e tapue ai le suavai i Alaoa

E silia ma le $100 miliona le tau aofai o loo fuafuaina o le poloketi mo le faatanoa e tapue ai le suavai i Alaoa lea ua faagasolo ai talanoaga a Matagaluega a le Malo ma ana paaga e tapena agai iai mo le amatalia o lenei atinae. 

I faamatalaga ua faasalalauina e le Matagaluega o Tupe i upega tafailagi o le vaiaso nei o loo faatino ai nei fonotaga a sui o Matagaluega a le Malo o loo nafa ma lenei poloketi faatasi ai ma sui mai le faletupe a Asia i nisi o vaega e faatinoina a o lei amatalia le galuega. 

O le masina o Iuni o le tausaga nei na faamaonia ai e le komiti o atinae a le Kapeneta le tuuina atu o le avanoa i Matagaluega faapea ai ma le faletupe o Asia ina ia faaauauina faatalanoaga ma auiliiliga o le amataga ai o lenei poloketi. 

O lenei poloketi ma lona faamoemoe ina ia taofia ai o lologa pe a oo ina faaleagaina paipa o loo sau ai le suavai i taimi o timuga tetele ma le louloua o le tau. 

O le siitia ai o le saogalemu o soifua o le atunuu e pei ona lofia ai i lologa ma suiga o le tau, o le puipuia lelei lea o le suavai taumafa, siitia ai o le malosiaga faafouina o le eletise ma le faasaoina ai o le siosiomaga o vaega uma ia o loo aofia i le tapenaina o fuafuaga o lenei poloketi.

O se tasi o vaega o lenei faamoemoe o le asiaina lea o le nofoaga o le a faatautaia ai lenei atinae. 

O le Matagaluega o Tupe o loo taimua i lenei poloketi faatasi ai ma le Matagaluega o Galuega Tetele a le Malo, Matagaluega o le Siosiomaga, Pulega o Suavai, Pulega o Felauaiga i le Laueleele ma le Pulega o Malosiaga tau Eletise.

Tala sili ona faitaulia

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required