O le tea laititi o le 8 i le taeao analeila na osofaia ai se alii i le magaala e igoa o Acland i St Kilda i Melepone.

O loo faaauau ai suesuega a leoleo i le nofoaga lea ae ua faavave atu i le falemai se alii e fai lava si tigaina o ona manu’aga e faapea sa faaoolima iai se tagata i lea auala.

Ua faasāina nei se vaega tele o lenei street ae ua faamaonia mai e le aufaigaluega a le taavale a le falemai ua auina atu se alii pe ā ma le 50 tausaga i le falemai ae o le isi pe ā ma le 40 tausaga ua pue e leoleo ma o loo suesueina.

O loo faatalia se isi lipoti poo le ā tonu le mafuaaga o lenei faalavelave.