Search
Photo Credit: S.F.A.

Faagasolo polokalame mo le sailia ai o se tausala a le Asosi o Faafafine i Samoa

O le vaiaso atoa o loo faataatitia ai fuafuaga a le Asosi o Faafafine i Samoa e tusa ai ma le faamoemoe o le faamanatuina o lo latou sao tāua i soo se atinae i le atunuu.

E pei ona iai le tatalaina aloaia o lo latou faamoemoe i le faaiuga o le vaiaso na mavae nei, o se tasi o vaega autu o le polokalame o le sailia lea o se tausala faafafine mo lenei tausaga.

O se tasi o itu togia o lenei polokalame e aofia ai le faatinoina o nisi o vaega o le aganuu a le atunuu e ala lea i le autu, Tu i le Tofi.

O le auga lava ia aogā nei faatinoga e toe fagufagu ai tu ma le aganuu a Samoa e pei ona faatino ai e sui tauva e toafitu le folafolaina o toonai.

Sa faatautaia lea i le afioaga o Vailoa Aleipata ma faamasinoina ai lenei vaega e le Afioga ia Tuisaleloto Faigame Ie’u o le tamalii o lenei afioaga.

I lona tomai i le aganuu na ia iloiloina ai ma mata’itu ai le sao o sui tauva i lea foi vaega ma manumalo ai le sui tauva o loo lagolagoina e le asosi o faafafine mai i le motu tele i Salafai, Molly Su Tonise.

O le faaiuga o le vaiaso nei o le a faatautaia ai le polokalame autu e ala i le sailia o se tausala.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required