Search

Faagasolo faamasinoga o alii na faaoo manu’a i se isi alii talavou i Leufisa

Ua ioe le alii o Asomaliu Asomaliu i le Aso Gafua o le vaiaso nei moliaga o le faaoolima, faomea ma le faaleaga o meatotino, ma le faaoo o manu’aga tuga.

O le aso 5 o Oketopa ua faatulaga mai ai e le Faamasinoga Maualuga e tuuina mai ai sana faaiuga i lea alii, peitai ua teena foi lana talosaga mo se loia e totogi e le malo e tulai mo ia.

O le alii lenei lea o loo toafā iai alii na latou faaooina manu’aga tuga i se tasi foi talavou mai Laulii lea e iai le ata video na tuuina atu i luga o le facebook.

O se faalavelave na tulai mai i Leufisa.

O le isi toatolu e aofia ai Peniamina Lisona ma Tuafale Faafetai o le a toe tulai i le faamasinoga pe a toe faatulaga mai moliaga a leoleo lea o loo feteenai ma finagalo o a la loia.

Ae o le alii o Frances Collins, ua faasee atu i le faamasinoga mo tupulaga talavou ona e na o le 15 ona tausaga.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required