Faagalo gata le faia fua ae leai se agasala

E le o faigofie ona faagalo I le tama na faatoatuli sese ma faaata iai laau malosi e leoleo I le Aso Toonai, le faia fua ae leai se agasala

O Brandon Moase, 29 tausaga, na saisai sese e leoleo faatasi ma se tasi o ana uo I Aukilani I Sisifo, ao I totonu o le taavale lona atalii tasi tausaga na li’o e leoleo

O lea na tali atu leoleo ina ua maua valaau e tusa ma le gaoi o loo faaaupeagina I le aoauli o le Aso Toonai, ma na faapea sui o le ofisa o I laua tagata gaoi

O le tama ia Moase na agai atu I Glen Eden e faatau se taumafataga o le aoauli, ae faateia ai ina ua paka le taavale ae tu atu loa ma le taavale leoleo ma faasiilima I laua

Tusa ma ripoti a le leitio a Niu Sila e 15 minute lea na taofia ai I laua nei ae laga le taavale, mulimuli ai faatoa toe tatala

I le le mautonu ma le le fiafia o le na saisai sese, ua faaulu ai lana faasea aloaia I le ofisa o leoleo  faapea le pulega tutoatasi o loo iloiloina auaunaga a leoleo, le Independent Police Conduct Authority

Taua foi e Moase e le’I faatoese atu leoleo ia I laua I le taimi na faasaoloto ai, ma o loo talia e Moase se faatoesega mai le ofisa I le mea na tupu, atoa ai ma auaunaga tau counselling

LAUILOA

Keep uptodate with Radio Samoa activity & promotion

* indicates required