Ua ofo mai le pulega a le malosiaga tau eletise a le Contact Energy, o le a ia totogia fixed daily line charges mo ana paaga i Northland ma le Far North lea na aafia i le motu faafuasei o le eletise.
E silia ma le 100,000 tagata i Matu o le atunuu na motusia faafuasei le eletise i le vaiaso ua alu ina ua pa’ū le pou eletise a le Transpower.
Na sau ai ma le talosaga a tagata aafia e tatau ona toe totogi atu i latou ona o le mea na tupu.
O lea ua lagona e le pulega a le Contact Energy ma fai mai ai ananafi o lea o le a iai refunds, ma faamautinoa mai ai foi e silia ma le 20,000 o tagata na aafia, o ana paaga.
Na saunoaga ai le Pule Sili o le mea e tatau ona fai ma o le mea tonu foi lea o le toe faafoi o tupe a tagata aafia, ma o le asō e amata maua ai e tagata Northland ma o loo faapaaga ma le Contact Energy feau tusitusia poo imeli foi, se tala e faatatau i refunds o le a maua.
O refunds nei e otomeki lava ona toesea mai ia latou pili moli o le a fua mai.
Puna o Faamatalaga: Contact Energy to cover fixed line charges for Northlanders hit by major power outage | Newshub
