Tuilaepa Lupesoliai Sailele Malielegaoi
Tuilaepa Lupesoliai Sailele Malielegaoi

Faafetaia e Tuilaepa le tuualalo a le Akiepikopo

O le sauniga lotu mo le tutoatasi o Samoa le na faia i le po o le Aso Gafua 31 o Me i le malumalu Paia o Maria Imakulata i Mulivai na faatumulia lea i le toatele o tagata na molimauina.

O lenei sauniga na taitai e le afioga i le Akiepikopō Alapati Lui Mataeliga o le faauluuluga lea o le Ekalesia Katoliko Samoa ma i lana lauga i lea afiafi na faalologo uma ai le toatele o tagata e le gata i totonu o le atunuu ae faapea i latou o loo aumau i atunuu i fafo.

E le’i alo faamatalaga a le Akiepikopō e ala i ana tuualalo ma ana fautuaga na tuuina atu i le taitai o le vaega faaupufai a le HRPP Tuilaepa Lupesoliai Sailele Malielegaoi ae le gata i lea o taitai uma o le malo.

I se faatalatalanoaga a Tuilaepa ma tusitala i le taeao nei na ia taua ai “ Oute faafetaia le Akiepikopō ona ua ia totoina atili mea tetele nei e lua i lo’u loto, o le faamagalo ma le loto maualalo, oute faafetaia foi i le lauga sa’o mai lava ia te a’u o lea na o’u pito i lava i luma, e le’o a’u o sesi o a’u o le mamoe o le lafu”

Peitai pau le vaega na taua e Tuilaepa nate lē manatua , o sana tusi na tusia lea agai le Akiepikopō

Na faamamafa ai foi e Tuilaepa le faavae moni o Samoa lea na laugaina e Alapati i le Aso Gafua. “ o le toe faamanatu mai o afioga a le tatou alii, o tatou nei, o taitai o aiga , taitai o nuu, taitai o le malo ia tatou manatua i taimi uma o tatou o auauna. Tatou te faataitai i le afio mai o le Alii e le’i sau e auauna mai tagata ia te ia ae na sau ia auauana mo tagata.”

E pei ona silafia o lea ua taimua le Ekalesia Katoliko e ala i se anapogi mo le 8 aso ina ia maua se faigamalo mautu mo Samoa ma o lea giaoiga na matuā lagolago e le taitai o le HRPP.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required