Tuilaepa
Taitai o le Ituagai, Tuilaepa Lupesoliai Sailele Malielegaoi

Faafetaia e Tuilaepa le tapuaiga ma talosaga a le atunuu

Na momoli le faafetai a le taitai o le Ituagai  ma le vaega faaupufai e Puipuia Aiā Tatau o Tagata o le sui faipule foi o le Itumalo o Lepā le susuga Tuilaepa Lupesoliai Sailele Malielegaoi i le tapuaiga a le atunuu ua toe taliu atu ai lana siigā gasegase  e pei ona sa malaga mai ai i Niu Sila. 

O lana faafetai foi lea i le malo i galuega o loo feagai ai aemaise o lenei taimi ua fetaia’i ma le tele o tiute ona e lē gata o le pesia o tagata i le faama’i a’o tiute faalemalo. O le tau faai’ui’u o le galuega a le fono i le Aso Lua o le vaiaso nei na tulai ai le taitai o le Ituagai ma talosaga i le Fofoga Fetalai mo se avanoa e momoli ai lana faafetai; 

“Ou te momoli atu ai le faafetai i tapuaiga ma talosaga e le gata i lau afioga faapea le Palemia ma le Kapeneta ma lena itu ae faapea foi ma lenei itu o le maota, e le’o tau matea le molimoli atu o talosga i le tatou alii ina ia matou toe taliu mai ma le manuia lea ua matau atu o lea foi ua afio mai le Minisita ia Leatinuu na matou malaga faatasi mai. E faamalo foi le galulue i lau afioga i le Palemia ma le Kapeneta faapena foi ma lenei itu tele a faafitauli o loo faafeagai nei, o lu’itau ia mo i tatou aemaise o le faafegai ai ma galuega faaola mo le tau fofōina o le faama’i o loo afaina ai si o tatou atunuu” 

Na faapitoa le faafetai a Tuilaepa i le Minisita o le Soifua Maloloina i lana faamalosiau ma le aufaigaluega i le totaele o i latou ua gasegase. “Ia aua tou te faavaivai, auā a tou faavaivai loa ua afaina le toatele o si o tatou atunuu”. 

Scroll to Top

Keep uptodate with Radio Samoa activity & promotion

* indicates required