Ua ave le faafetai a le sui faipule o Gaga’emauga Numera Tasi le afioga i le Sui Palemia i le galuega ua mafai ai ona maua se vai e vili i totonu o lona itumalo, e pei ona sa molimauina i lenei vaiaso i le afioaga o Mauga.
Faaalia e le sui faipule le afioga i le Sui Palemia, Tuala Tevaga Iosefo Ponifasio, o le tali lea i le tele o tausaga o feagai nuu o Gaga’emauga Numera Tasi ma faaletonu i le suavai taumafa.
Ua faailoa e le matagaluega o galuega tetele i lana upega tafailagi, o le maua ai o le vai mamā ua vili i le afioaga o Mauga, o le a mafai ai e isi nuu e pei o Patamea ma Samalaeulu ona maua le suavai lelei.
Le afioga i le faipule o Gaga’emauga Numera Tasi le afioga i le Sui Palemia, Afioga Tuala Tevaga Iosefo Ponifasio.
