O le malelega faamanuia a le afioga i le Ao Mamalu o le Malo i le faamanatuina o le 62 tausaga o le Malo Tutoatasi o Samoa i lenei tausaga, ua ave ai lana faafetai i le Palemia ma le Malo i galuega mo le atina’eina o le atunuu ina ia soifua manuia ma ola fiafia o tatou tagata.
O se malelega faamanuia foi na ave ai le tuualalo i le atunuu atoa ina ia galulue faatasi e lagolago taumafaiga uma a le Malo i le taligamalo a Samoa i le fono a ta’ita’i o Malo o le Taupulega.
O le mae’a ai o le malelega a le Ao o le Malo le afioga Tuimalealiifano Vaaleto’a Sualauvi II, na saunoa ai le ta’ita’i o le Malo i le mae’a o savali ma tulai faaaloalo e faafetaia i latou uma sa auai i le faamanatuga o le tutoatasi o lenei tausaga.
Sa afea ai foi ma se finagalo o le tamaitai Palemia i suiga ua faaiugafonoina e le Kapeneta, mo le faamanatuina o a tatou tutoatasi i tausaga uma.
Le ta’ita’i o le Malo i lana saunoaga na taualuga ai polokalame o le 62 tausaga o le tutoatasi, le afioga i le Palemia, Afioga Fiame Dr Naomi Mataafa.
