O loo faaauau i le asō suesuega a leoleo i nisi foi o afifi e masalomia o fualaau faasāina na maua talu ai nei i luga o matafaga i Sini.
Fai mai lipoti e lua poloka afifi ia na maua i Curl Curl i le ‘afa o le fitu i le taeao ananafi, na maua e i latou na agai atu i le matafaga ae mulimuli ane maua ma isi afifi faapea e lata i Freshwater beach.
Fai mai leoleo i Niu Sa Uelese o le taimi nei o loo faia suesuega i afifi ia ma faia foi sailiga pe iai ma nisi afifi faaopoopo mai lava i lea faaitu.
Talu mai Tesema o le tausaga talu ai na amata vaaia ai afifi ia o fualaau faasāina i matafaga i NSW i le va o Sini ma Newcastle.
Na maua foi e se tasi faifaiva se paelo tulou o loo iai totonu afifi e 39 o le cocaine i le Boxing Day ma o loo faamanatu e leoleo i tagata ina ia logo ane leoleo pe a vaaia pe maua foi ia ituaiga afifi a o sailia ai pea poo ai tonu sa faatinoina lea tulaga.
